راولپنڈی( بی ایل ٰآئی) آرمی چیف جنرل قمر جاوید باجوہ نے رینجرز ہیڈ کوارٹرز سندھ کا دورہ کیاہے۔
ڈی جی رینجرز نے آرمی چیف کو صوبہ کی سیکیورٹی صورت حال اور کراچی میں امن و امان کی صورت حال پر بریفنگ دی۔ آرمی چیف جنرل قمر جاوید باجوہ نے رینجرز ہیڈکوارٹرز سندھ کا دورہ کیا۔
آرمی چیف کے ہمراہ کور کمانڈر کراچی لیفٹیننٹ جنرل ہمایوں عزیز بھی موجود تھے۔ آئی ایس پی آر کے مطابق ڈی جی رینجرز نے آرمی چیف کو صوبے کی سیکیورٹی صورتحال پر بریفنگ دی اور آرمی چیف کو کراچی میں امن و امان کی صورتحال سے آگاہ کیا۔
آرمی چیف نے امن و امان کیلئے پاکستان رینجرز اور قانون نافذ کرنے والے اداروں کی کاوشوں کو سراہا۔
اس موقع پر آرمی چیف جنرل قمر جاوید باجوہ کا کہنا تھا کراچی پاکستان کی معیشت کا انجن ہے۔ کراچی کی سیکیورٹی صورتحال کو مزید بہتر بنانے کیلئے تمام وسائل بروئے کار لائے جائیں۔