دی ایلگنٹ کو 2-0 سے شکست، شاہین پبلک اسکول اینڈ کالج نے نکسرا کو3-1 سے ہراکر تیسری پوزیشن حاصل کی
مہمان خصوصی شاہین پبلک اسکول اینڈ کالج کی چیئرپرسن رشیدہ نثار چوہدری نے کامیاب کھلاڑیوں میں انعامات تقسیم کئے
کراچی ( اسپورٹس رپورٹر ) شاہین پبلک اسکول کے زیراہتمام نثار احمد چوہدری فٹبال چیمپئن شپ کا فائنل ایک دلچسپ مقابلے کے بعد کے ایچ اے اکیڈمی نے دی ایلگنٹ اسکول کو 2-0سے ہراکر ٹرافی اپنے نام کرلیا۔تیسری پوزیشن کے میچ میں میزبان سائیڈ شاہین پبلک اسکول اینڈ کالج نے نکسرا کو3-1 سے ہراکرتھرڈ پوزیشن کی ٹرافی جیتی۔ ٹورنامنٹ کے بہترین کھلاڑی کا اعزاز شاہین پبلک اسکول اینڈ کالج کے علی ریاض کو دیا گیا۔ فائنل کے اختتام پر تقریب تقسیم انعامات میں مہمان خصوصی شاہین پبلک اسکول اینڈ کالج کی چیئرپرسن رشیدہ نثار چوہدری تھی جنہوں نے کھیل کے اختتام پر کامیاب کھلاڑیوں میں ٹرافیاں اور انعامات تقسیم کئے، اس موقع پر اسپورٹس کوآرڈینیٹر آسیہ خان ، کراچی بیڈمنٹن ایسوسی ایشن کے سیکریٹری معین الدین بھی موجود تھے۔