کراچی ( اسپورٹس رپورٹر) سر اصغر فٹبال اکیڈمی کے تعاون سے تنظیم اسپورٹس اور سندھ مسلم گذری کے زیراہتمام آل کراچی سپر کپ فٹبال ٹورنامنٹ میںبلوچ محمڈن ملیر نے ایک سخت مقابلے کے بعد خیبر مسلم بلدیہ کو پنالٹی ککس پر5-4 سے شکست دیکر کوارٹر فائنل میں جگہ بنالی۔ گذر ی پلے گراﺅنڈ میں میچ کا آغازتیز رفتاری سے ہوا۔پہلے ہاف میں دونوں 
ٹیموں نے ایک دوسرے کے گول پر بھرپور حملے کئے لیکن فاروڈز نے غلط نشانہ بازی کی وجہ سے گول کرنے کے مواقع ضائع کردیئے ہاف ٹائم پر دونوں ٹیموں بغیر کسی گول کے برابری کے بعد میدان سے باہر آئیں ۔ دوسرے ہاف میں بلوچ محمڈن ملیر اور خیبر مسلم بلدیہ کے کھلاڑیوں نے چند اچھی موومنٹ بنائی لیکن فنشنگ کے فقدان کے باعث گول کرنے میں کامیاب نہیں ہوسکی۔ کھیل کے اختتام پر دونوں ٹیموں بغیر کسی گول کے برابر ہونے کے بعد منتظمین نے دونوں ٹیموں کو پنالٹی ککس دیں جس میں بلوچ محمڈن ملیر نے خیبر مسلم کو 5-4سے ٹھکانے لگاکر فائنل ایٹ میں رسائی حاصل کرلی۔ میچ کے ریفری عبدالباقی، ڈپٹی قاری آصف، جاوید بنگش، آصف خان ،میچ کمشنر محمود علی خان اور میڈیا کوآرڈینیٹر علی رضا طارق و محمد سلیم سماءتھے۔جمعہ16 فروری کو سابقہ کراچی چیمپئن ماڑی پور بلوچ اور شفیع الیون ملیر کے درمیان ٹھیک 4.00بجے کھیلا جائے گا۔ ناک آﺅٹ کی بنیاد پر منعقد کراچی سپر کپ کا آخری لیگ میچ عرفان میموریل اور جلال مراد ملیر کے درمیان ہفتہ17 فروری کو کھیلا جائے گا۔ ٹورنامنٹ کا پہلا کوارٹر فائنل اتوار18 فروری کو میزبان سائیڈ تنظیم اسپورٹس اور ساﺅتھ کی معروف ٹیم موسی لاشاری فٹبال کلب کے درمیان کھیلا جائے گا۔