کراچی (اسٹاف رپورٹر) سندھ بلڈنگ کنٹرول اتھارٹی کے ڈائریکٹرجنرل آغامقصودعباس کی ہدایات پر ڈیمالیشن اسکواڈ نے شہرکے مختلف علاقوں میں غیرقانونی تعمیرات کے خلاف کاروائی کرتے ہوئے انہیں منہدم اور سربمہرکردیا، ڈیمالیشن اسکواڈ کی مختلف ٹیموں نے کارروائی کرتے ہوئے صدرٹائون، جمشیدٹائون کے علاقے فاطمہ جناح کالونی، حیدرآباد کالونی، سولجربازار، گلشن اقبال ٹائون،کراچی یونیورسٹی سی ایچ ایس،سی پی اینڈبرار سی ایچ ایس، میٹروول ،گلبرگ ٹائون کے علاقے فیڈرل بی ایریا، لیاقت آباد ٹائون، بی ایریالیاقت آباد، نیوکراچی ٹائون، نارتھ کراچی میں غیر قانونی تعمیرات کو منہدم کردیاگیا، مذکورہ بالاانہدامی کاروائیاں متعلقہ ڈپٹی واسسٹنٹ بلڈنگ ڈائریکٹرز اور ڈیمالیشن آفیسرز کی زیرنگرانی عمل میں لائی گئی جبکہ اس دوران امن وامان کی صورتحال کوقابومیں رکھنے کیلئے ان کے ہمراہ ایس بی سی اے پولیس فورس بھی وہاں موجود تھی۔