عمران خان قوم کو بتائیں وہ رات کے اندھیروں میں چھپ کر کس سے ملتے تھے؟ مریم اورنگزیب

اسلام آباد(بی ایل ٰآئی ) وزیر مملکت اطلاعات ونشریات مریم اورنگزیب نے کہاہے کہ عمران خان پوری قوم کو بتائیں کہ وہ رات کے اندھیروں میں چور دروازے سے کس کو مل رہے ہیں? زکوٰة کے پیسے سے جوا کس نے کھیلا?پی ٹی آئی کے لیے فارن فنڈنگ کہاں سے آئی اور اندر سوراج اور بیری شنپ کون ہیں، خیبرپختونخوا کا احتساب کمیشن کیوں بند ہے? بنی گالا کا گھر کس منی لانڈ رنگ سے بنا، عمران صاحب آپ اس وقت دہشت گردی کی عدالت، سپریم کورٹ اور الیکشن کمیشن میں ملزم اور اشتہاری بھی ہیں اس لئے استعفیٰ دیں۔

وزرات اطلاعات سے جاری بیان کے مطابق وزیر مملکت مریم اورنگزیب نے کہا کہ عمران صاحب یہ بتائیں کہ بنی گالا کا گھر کس منی لانڈ رنگ سے بنا اور انہوں نے سپریم کورٹ میں جو اعترافی بیان دیا ہے اس سے بھی قوم کو آگاہ کریں۔ عمران خان قوم کو بتائیں کہ انہیں2014ءمیں کس ایمپائر کی انگلی کا انتظار تھا? انہوں نے خیبرپختونخوا میں گذشتہ 4سالوں کے دوران کیا کیا؟ مریم نواز کا مزید کہنا تھا کہ عمران خان چونکہ دہشت گردی کی عدالت، سپریم کورٹ اور الیکشن کمیشن میں ملز م اور اشتہاری بھی ہیں اس لئے وہ استعفیٰ دیں?انہوں نے کہا کہ عمران خان قوم کو بتائیں کہ آپ نے پارلیمنٹ، پی ٹی وی اور قانون نافذ کرنے والے اداروں پر حملہ کیوں کیا?انہوں نے کہا کہ عمران خان ملک کے اندر وہی باتیں کر رہے ہیں جو آئین کا دشمن پرویز مشرف ملک سے باہر بیٹھ کے کر رہا ہے۔