برلن(بی ایل ٰآئی )جرمن صوبے نارتھ رائن ویسٹ فیلیا میں ٹرین کے حادثے میں 47افراد زخمی ہو گئے ۔
غیرملکی میڈیا کے مطابق جرمن صوبے نارتھ رائن ویسٹ فیلیا میں ایک مسافر ٹرین شہر نوئس کے قریب کھڑی ایک مال گاڑی سے ٹکرا گئی۔ ٹکر کے نتیجے میں کم از کم47افراد زخمی ہو گئے ہیں جبکہ زخمیوں میں سے3 کی حالت نازک ہے۔ ریلوے حکام کا کہناہے کہ حادثے کے وقت مسافر ٹرین میں 150 افراد سوار تھے۔ حادثے میں مسافر ٹرین کی اگلی بوگیاں شدید متاثر ہوئی ہیں۔ تاہم ابھی تک حادثے کی وجہ معلوم نہیں ہو سکی ہے۔