اجزا:
پیسن کی باریک نمکو سویاں 1 کپ
میدہ 1کپ
میٹھا سوڈا چٹکی بھر
آلو 1 سے 2 عدد
کھیرا 1 عدد
ٹماٹر 2 عدد
پیاز 2 عدد (باریک کاٹ لیں)
نمک حسب ضرورت
چاٹ مسالا حسب ذوق
املی اور کھجور کی میٹھی چٹنی 10 کھانے کے چمچ
:ہری مرچ اور لہسن کی چٹنی 2 کھانے کے چمچ
کچا آم 1عدد
ہرا دھنیا اورپودینہ حسب منشا
تیل حسب ضرورت
ترکیب:
میدے میں چٹکی بھر میٹھا سوڈا اور آدھا چائے کا چمچ نمک ڈال کر پانی سے گوندھ لیں اور کچھ دیر پڑا رہنے دیں۔پھر اس کی روٹی بیل کر گول کٹر سے کاٹ لیں اور گرم تیل میں فرائی کر کے نکال لیں۔پوریاں تیار ہو جائیں تو ایک پیالے میں کچے آم،پیاز ،ٹماٹر ،کھیرے اور ابلے ہو ئے آلو کے چھوٹے ٹکڑے کاٹ کر آپس میں ملا دیں اور ان میں باریک کتراہوا ہرا دھنیا،پودینہ ،نمک اور چاٹ مسا لا بھی شامل کر دیں۔اب ایک ایک پوری پر ہری مرچ اور لہسن کی چٹنی،املی اور کھجور کی میٹھی چٹنی لگائیں اور اوپر مکس اجزا کی ٹاپنگ کرکے پیسن کی نمکین سویاں چھڑک کر پیش کریں۔