اٹلی (اسد نواز )گزشتہ روز اٹلی کے شہر بلونیامیں بڑا دلچسپ منظر دیکھنے کو ملا جب سبزی و فروٹ منڈی کاافتتاح کرنے اٹلی کے وزیراعظم پاؤلو جینٹیلینی پہنچ گئے ۔ تقریب میں اٹلی کے سابق وزیراعلیٰ ڈومینی پروڈی ، صوبائی گورنر سٹیفنو، میئر بلونیا ورجینیو مارولا کے علاوہ مقامی شہریوں کی بڑی تعداد بھی موجود تھی ۔ پاکستانی کاروباری شخصیات اٹلی کے وزیر اعظم کو اس طرح ایک عام مارکیٹ کی افتتاحی تقریب میں آتے ہوئے دیکھ کر دنگ رہ گئیں ۔اس موقع پر چوہدری شبیر ککرالی، چوہدری الیاس ڈھلیان، چوہدری الیاس چوہان، چوہدری دلشاد مون، چوہدری شبیر ککرالی نے اٹلی کے وزیر اعظم کے اس عوامی سٹائل کو بے حد سراہا۔