پاکستان نے جنوبی افریقا کے خلاف دو صفرسے کلین سوئپ کرلیا

راولپنڈی: پاکستان نے جنوبی افریقاکے خلاف دوصفرسے کلین سوئپ کرلیا۔راولپنڈی میں دوسراٹیسٹ بابراعظم الیون نے پچیانوے رنزسے جیتا۔ تین سو ستررنز ہدف کے تعاقب میں جنوبی افریقا دو سو چوہتر رنزبناسکی۔ حسن علی نے میچ میں دس وکٹیں لیں اورمین آف دی میچ اورسنچری میکرمحمد رضوان سیریز کے بہترین کھلاڑی قراردیے گئے۔ پاکستان نے دوصفرسے کلین سوئپ مکمل اورآئی سی سی ٹیسٹ چیمپئن شپ کے پورے ایک سوبیس پوائنٹس حاصل کرلیے۔

آخری صبح جنوبی افریقانے ایک وکٹ وکٹ پرایک سو ستائیس رنزسےنامکمل اننگ شروع کی۔ تو فتح کے لیے پاکستان کو نو وکٹیں اورمہمان ٹیم کو دو سو تینتالیس رنزدرکار تھے۔ وان ڈیرڈوسن حسن علی کے پہلے اوورمیں آؤٹ ہوگئے۔ ڈوپلیسی کو حسن علی نے ایل بی ڈبلیوکردیا۔ ایڈن مرکرم اورتیماباووما ایک سوچودہ رنز کی پارٹنرشپ سے پروٹیزکی فتح کی امیدوں کو برقراررکھا۔ مرکرم نے سنچری اورباوومانے ففٹی مکمل کر لی۔ عمران بٹ نے حسن علی کی دو گیندوں پرمرکرم کو ایک سوآٹھ اورکپتان ڈی کوک کو صفرپر کیچ کیا جس کے بعد کوئی مہمان بیٹسمین وکٹ پرنہ ٹک سکا۔

باووماکیشو مہاراج اورربادہ کو شاہین شاہ نے آؤٹ کیا۔ جورج لنڈے کو آؤٹ کرکے حسن علی نے اننگ میں پانچویں اورمیچ میں دسویں وکٹ حاصل کی۔ ویان مولڈرکی وکٹ یاسرشاہ نے حاصل کی۔ حسن علی میچ اورمحمد رضوان سیریزکے بہترین کھلاڑی قراردیے گئے۔