ٹوکیو اولمپکس اور پیرالمپکس 2020 کے لئے ماسکوٹس یعنی علامتی کرداروں کا اعلان کر دیا گیا ۔ جاپان کے نشریاتی ادارے کے مطابق ٹوکیو اولمپکس اور پیرالمپکس 2020 کے لئے ملک بھر اور سمندر پار سے تقریباً 16 ہزار جاپانی پرائمری سکولوں کے بچوں نے ماہرین کے منتخب کردہ ماسکوٹس کے تین سیٹس میں سے حتمی کے علامتی ٹیٹوز کے انتخاب میں ووٹ دیا۔2020 گیمز کے منتظمین نے نتائج کا اعلان ٹوکیو کے ایک پرائمری سکول میں کیا ، جس میں طلبا نے پرجوش انداز میں نتائج کا خیرمقدم کیا۔ منتخب شدہ ماسکوٹ کی جوڑی پر چہار خانہ دار ڈیزائن بنا ہے جیسا کہ ان کھیلوں کے باضابطہ نشانات پر ہے۔ اولمپک ماسکوٹ کا جسم سفید اور اس پر گہرے بنفشی رنگ کا نمونہ بنا ہوا ہے۔ پیرالمپک کیریکٹر پر گلابی رنگ کا چہار خانہ دار ڈیزائن ہے۔ واضح رہے کہ تاحال ماسکوٹس کے نام نہیں رکھے گئے۔ کمیٹی کا ارادہ ہے کہ رواں سال موسمِ گرما میں ناموں کا اعلان بھی کر دیا جائے گا۔