گوادر(بی ایل آ ئی)تربت ،پسنی اور گردونواح میں زلزلے کے شدید جھٹکے محسوس کیے گئے ہیں ۔زلزلے کی شدت6.3 اور گہرائی 10 کلومیٹر ریکارڈ کی گئی ہے۔
تفصیلات کے مطابق بلوچستا ن کے علاقوں گوادر سمیت مختلف علاقوں میں زلزلے کے جھٹکے محسوس کئے گئے۔زلزلہ کوہ پیما مرکز کے مطابق زلزلے کا مرکز تربت سے 90 کلومیٹر جنوب میں تھا۔زلزلے کے بعد لوگوں میں شدید خوف و ہراس اور لوگ کلمہ طیبہ کا ورد کرتے ہوئے گھروں سے نکل آئے۔
ڈی جی پی ڈی ایم اے کے مطابق زلزلے سےپسنی میں مکانات گرے ہیں مگر فی الحال کسی جانی نقصان کی اطلاع نہیں ہے۔ زلزلے کے بعد مکران ڈویژن میں ہائی الرٹ جاری کردیا گیا ہے۔ امدادی ٹیمیں مختلف علاقوں میں روانہ کردی گئی ہیں۔