پیرس: ایسا ایک خوش قسمت مسافر ہے جو فرانس سے مراکش تک جہاز میں اکلوتے سفر کرتا رہا۔یہ انوکھا واقعہ مراکش کی سرکاری ایئر لائن میں پیش آیا جس نے اصول پسندی اور خدمات فراہمی کی نئی مثال قائم کردی۔ ہوا کچھ یوں کہ مراکشی ایئر لائن کی پرواز نے فرانس کے دارالحکومت پیرس سے اڑان بھری اور اس کی منزل مراکش کا شہر وجدہ تھا۔ جہاز میں بیٹھا مسافر اس وقت حیرت زدہ ہوگیا، جب اس نے ٹیک آف کرتے طیارے میں خود کو اکیلا پایا۔ طویل مسافت کی اس پرواز میں طیارے کے عملے اور مسافر کے سوا کوئی اور نہ تھا اور باقی پوری نشستیں خالی تھیں۔ اس خوشگوار حیرت کو دیکھ مسافر نے یہ لمحات یادگار کے طور پر اپنے موبائل میں محفوظ کرلیے اور ویڈیو ریکارڈ کرکے سوشل میڈیا پر ڈال دی جو وائرل ہوگئی ہے۔