پاکستان کیلئے بڑی خوشخبری ، پاک فوج میں نیا ایئر ڈیفنس سسٹم شامل کر لیا گیا

راولپنڈی (بی ایل آ ئی) پاک فوج میں نیا ایئر ڈیفنس سسٹم شامل کر لیا گیا ۔

آئی ایس پی آر کے مطابق پاک فوج میں نیا ایئر ڈیفنس سسٹم شامل کر لیا گیا ہے ، آرمی چیف جنرل قمر جاوید باجووہ تقریب کے مہمان خصوصی تھے ۔لوئرمیڈیم الٹی ٹیوڈ ایئر ڈیفنس سسٹم پاک فوج میں شامل ہونے سے آرمی کی پیشہ وارانہ صلاحیتوں میں مزید اضافہ ہو گا ۔سسٹم میں یہ صلاحیت بھی موجود ہے کہ اسے فوری طور پر ایک سے دوسری جگہ منتقل کیا جا سکتا ہے۔

آئی ایس پی آر کا کہنا ہے کہ نیا ایئر ڈیفنس ایل وائی 80 سسٹم چینی ساختہ اور لوئر میڈیم الٹی ٹیوڈ ہے جبکہ ایل وائی 80فضائی اہداف کو ڈھونڈنے اور تباہ کرنے کی صلاحیت رکھتا ہے ، ایل وائی 80 سے دور کے اہداف کو بھی نشانہ بنایا جا سکے گا ۔

آرمی چیف جنرل قمر جاوید باجوہ نے تقریب سے خطاب کرتے ہوئے کہا کہ موبائل ایئر ڈیفنس سسٹم سسے فضائی خطرات سے نمٹنے کی صلاحیت بہتر ہو گئی ہے کیونکہ موبائل ایئر ڈیفنس سسٹم دور مار اہداف کو نشانہ بنا سکتا ہے۔ایل وائی 80 نے ملکی ایئرڈیفنس کو درپیش خطرات سے نمٹنے کی صلاحیت بڑھائی۔