پاکستان کرکٹ ٹیم ٹی ٹوئنٹی کی سالانہ رینکنگ میں پہلی پوزیشن برقرار ہے جبکہ ون ڈے میں چھٹے نمبر پر ہے ۔
آئی سی سی کی درجہ بندی کے مطابق ٹی ٹوئنٹی کرکٹ میں پاکستان نے 130 پوائنٹس کےساتھ اپنی پہلی پوزیشن کو مستحکم رکھا ہے ، آسٹریلیا 126 پوائنٹس کے ساتھ دوسرے نمبر ہے ۔
رینکنگ میں تیسرے نمبر پر موجود بھارت کو مزید دو پوائنٹس مل گئے ، اس کے اب 123 پوائنٹس ہیں، نیوزی لینڈ کا رینکنگ میں چوتھا اور انگلینڈ کا پانچواں نمبر ہے ۔
ون ڈے رینکنگ میں انگلینڈ نے بھارت سے پہلی پوزیشن چھین لی ہے،انگلش ٹیم 125 پوائنٹس کے ساتھ پہلے جبکہ بھارت 122 پوائنٹس کے ساتھ دوسرے نمبر پرہے ۔
جنوبی افریقہ کا تیسرا، نیوزی لینڈ کا چوتھا آسٹریلیا کا پانچواں اور پاکستان کا چھٹا نمبر ہے۔