کراچی ( اسپورٹس رپورٹر) اے سی ایم گولڈ میمن سپر لیگ ٹی ٹوئنٹی کرکٹ ٹورنامنٹ میں ٹی این این ٹائی ٹین نے ریمز لائنز کو باآسانی 7وکٹوں سے شکست دیدی۔فاتح ٹیم کے فیضان اسلم اور یاسر تنویر نے نصف سنچریاں اسکور کیں، اویس پاستا نے3 شکار کئے۔آریل سی اے گلبرگ میں کھیلے گئے اس میچ میں پہلے بیٹنگ کرتے ہوئے ریمز لائنز کی ٹیم19.1 اوورز میں143 رنز بناکر آؤٹ ہوگئی، فرحان عارف نے28 گیندوں پر تین چوکوں اور ایک چھکے کی مدد سے 38اور عمیر احمد نے33 گیندوں پر چار چوکوں کی مدد سے 43رنز اسکور کئے۔ ٹائی ٹین کی جامنب سے اویس پاستا نے17 رنزکے عوض3 شکار کئے، اسرار الحق نے25 رنز دیکر2 وکٹ لئے۔ وقار ادریس اور شاہد جیوانی نے ایک ایک وکٹ بالترتیب24 اور19 رنز دیکر اپنے نام کی۔ٹی این این ٹاٹی ٹین نے144 رنز کا ہد ف18.3 اوورز میں3 وکٹوں پر145 حاصل کرکے جیت اپنے نام کرلی۔ اوپنر ایم فیضان اسلم نے 43گیندوں پر پانچ چوکوں کی مدد سے 51رنز اور یاسر تنویر نے چھ چوکوں کی مدد سے44 گیندوں پر 58رنز کی شاندار باری کھیلی۔ پہلی وکٹ11 رنز پر گرنے کے بعد دوسری وکٹ پر108 رنز کی شاندار پارنٹرشپ نے ٹائی ٹین کو فتح سے ہمکنار کرایا،حماد شیخانی نے 28رنز، فرحان عارف نے32 رنز اور ریحان حنیف نے22 رنز دیکر ایک ایک کھلاڑی کو آؤٹ کیا۔میچ کے اختتام پر مہمان خصوصی شکیل سلمان فاتح ٹیم ٹی این این ٹائی ٹین کے بلے باز فیضان اسلم کو مین آف دی میچ کا ایوارڈ دیا۔ میمن سپر کرکٹ لیگ کا شاندار فائنل 21دسمبر کو آر ایل سی اے گلبرگ میں کھیلا جائے گا