وزیر اعلیٰ پنجاب ترک صوبے قیصری پہنچ گئے ،ڈپٹی گورنر کا ائیرپورٹ پر استقبال،اپنے دوسرے گھر آیا ہوں ،جب بھی ترکی آیا پہلے سے زیادہ پیار ملا:شہباز شریف

وزیر اعلی پنجاب محمد شہباز شریف نے ایئرپورٹ پر گفتگو کرتے ہوئے کہا کہ میں اپنے دوسرے گھر آیا ہوں ،جب بھی ترکی آتا ہوں پہلے سے زیادہ پیار اور محبت ملتی ہے ،پاکستان اور ترکی میں بڑھتا ہوا تعاون نئی بلندیوں کو چھو رہا ہے ،حالیہ برسوں میں پاک ترک تعلقات میں جو استحکام آیا ہے وہ دونوں ملکوں کیلئے خیر و برکت کا باعث ہے ۔وزیر اعلی نے کہا کہ وزیر اعظم محمد نواز شریف کی جانب سے ترکی کے عوام کیلئے محبت و نیک خواہشات کا پیغام لایا ہوں ۔وزیر اعلی شہباز شریف کل عبداللہ گل میوزیم اور لائبریری کی افتتاحی تقریب میں شرکت کرنے کے ساتھ ساتھ ترک صدر رجب طیب اردواناور دیگر اعلی حکام سے بھی ملاقاتیں کریں گے ۔