وزیراعلیٰ سندھ سید مراد علی شاہ کا کراچی ائیرپورٹ پر اولڈ ٹرمینل اور طارق روڈ کا دورہ،زیر تعمیر سڑک ودیگر کاموں کا جائزہ لیا
تفصیلات کے مطابق وزیراعلیٰ سندھ مرادعلی شاہ نے رات گئے طارق روڈ کا دورہ کیا، زیرتعمیرسڑک کاجائزہ لیا،اس موقع پر وزیراعلیٰ سندھ کے ہمراہ نثار کھوڑو،وقار مہدی،سعید غنی بھی موجودتھے،وزیراعلیٰ سندھ مراد علی شاہ نے زیر تعمیر ترقیاتی کاموں کا جائزہ لیتے ہوئے کہا کہ زیر تعمیر کام کو جلد از جلد مکمل کیا جائے،تاکہ عوام مستفید ہوسکے،انہوں نے کہا کہ کوئی بھی سرکاری افسرٹرانسفرہوسکتاہے۔
انہوں نے کہا کہ 2018میں بھی ہم کامیاب ہوں گے،کچھ لوگ تنازع کھڑے کرتے رہیں گے،ہم اپناکام جاری رکھیں گے،وزیراعلیٰ سندھ سید مراد علی شاہ نے کہا کہ آئی جی سندھ تبدیل ہوگیاتوگریڈ20یا21کاافسرہی لگے گا۔
وزیراعلیٰ سندھ سید مراد علی شاہ نے چہل قدمی کے دوران کیبن سے2پان بھی لیے،نثارکھوڑو کو پان کھلایا،جبکہ کیبن والے نے وزیراعلیٰ سندھ سے پان کے پیسے لینے سے انکارکردیا۔