آئی سی سی نے ورلڈ کپ کوالیفائر ٹورنامنٹ کی میزبانی زمبابوے کو دیدی جو چند ماہ بعد مارچ 2018 میں میزبانی کرے گا۔
2019 ورلڈ کپ کے لئے آخری 2 ٹیموں کی تلاش زمبابوے میں ہوگی۔ایونٹ میں میزبان ٹیم کے ساتھ ویسٹ انڈیز کی ٹیم بھی افغانستان اور آئر لینڈ کے ساتھ ہوگی اور ان 4 ٹیموں کے ساتھ آئی سی سی ورلڈ کرکٹ لیگ ڈویژن ون کی ٹاپ فور اور ڈویژن ٹو کی ٹاپ 2 ٹیموں سمیت 10 ٹیموں کا یہ مقابلہ مارچ میں زمبابوے میں ہوگا۔
قبل ازیں یہ ایونٹ بنگلہ دیش میں شیڈول تھا مگر اس کے براہ راست کوالیفائی کرنے کے بعد اب یہ میزبانی اس سے لے لی گئی ہے۔