نیشنل ٹی ٹوئنٹی کپ: ناردرن کی پوائنٹس ٹیبل پر ٹاپ پوزیشن یقینی

راولپنڈی( بی ایل ٰآئی )نیشنل ٹی ٹوئنٹی کپ میں ناردرن نے بلوچستان کو 39 رنز سے ہرا کر پوائنٹس ٹیبل پر ٹاپ پوزیشن یقینی بنا لی ہے۔

تفصیلات کے مطابق راولپنڈی میں ہونے والے نیشنل ٹی ٹونٹی کپ کے 27 ویں میچ میں ناردرن نے پہلے کھیلتے ہوئے 199 رنز بنائے، نوجوان بیٹسمین حیدر علی نے شاندار 86 رنز کی باری کھیلی، شاداب خان 42، علی عمران 41، حماد اعظم نے 19 رنز بنائے۔ عماد بٹ نے دو، تاج ولی، اختر شاہ، حارث سہیل نے ایک ایک وکٹ حاصل کی۔

ہدف کے تعاقب میں بلوچستان کی ٹیم 160 رنز بنا سکی، امام الحق 35، اویس ضیا34، حارث سہیل 28، عبد الوحید بنگلزئی 12، اکبر الرحمن 15 رنز بنا پائےجکہ محمد اسماعیل اور شاداب خان نے دو دو شکار کیے۔

بلوچستان کو سیمی فائنل تک رسائی کے لیے اپنا آخری میچ سدرن پنجاب کے خلاف لازمی جیتنا ہو گا