اسلام آباد( بی ایل آٸی)مسلم لیگ (ن) کی ترجمان مریم اورنگزیب نے کہا ہے کہ نااہل سیلیکٹڈ حکومت کی وجہ سے پوری دنیا میں جگ ہنسائی ہورہی ہے۔ فلاحی ریاست کے نام نہاد ٹھیکیداروں نے کینسر کے مریضوں کو مفت ادویات بھی بند کردیں۔

اسلام آباد ہائیکورٹ کے باہر میڈیا سے گفتگو کرتے ہوئے ترجمان مسلم لیگ (ن) مریم اورنگزیب نے کہا کہ جج ارشد ملک کو اعلیٰ عدالت نے عدلیہ پر دھبہ قراردیا لیکن موجودہ حکومت نے دوبارہ جج کے عہدے پربحال کردیا۔ اہل حکمرانوں کی وجہ سے ترقی کی شرح آدھی اور مہنگائی میں اضافہ ہوا۔

انہوں نے کہا کہ پوری قوم جانتی ہے کہ جج ارشد ملک نے فیصلہ دباؤمیں دیا۔ اس فیصلے کی بدولت بے گناہ نواز شریف جیل میں ہیں۔ ملک کی خدمت کرنے والوں کو انتقام کانشانہ بنایا گیا۔ شاہد خاقان عباسی پر اختیارات کے تجاوز کا الزام عائد کیا گیا۔

مریم اورنگزیب نے مزید کہا کہ مسلم لیگ (ن) نواز شریف کی مشاورت سے ہر فیصلہ کرے گی۔ پوری جماعت شہباز شریف کی قیادت میں متحد ہے۔