”میں چاہتا ہوں کہ۔۔۔“ لاہور دھماکے میں شہید ہونے والے افسر کیپٹن (ر)مبین کی آخری گفتگو سامنے آگئی، کیا کہا تھا؟ جان کر آپ کا بھی دل بھر آئے گا

تفصیلات کے مطابق مال روڈ پر کیمسٹ اینڈ ڈرگ ایسوسی ایشن کے احتجاجی مظاہرے سے پورے لاہور میں ٹریفک کا نظام درہم برہم ہو چکا تھا جس کے باعث شہریوں کو شدید مشکلات کا سامنا تھا تاہم ٹریفک پولیس اپنی پوری ذمہ داری کے ساتھ شہر کی ٹریفک کو رواں دواں رکھنے میں کر دار ادا کر رہی تھی۔شہید کیپٹن (ر)احمد مبین صبح سے ہی مظاہرین کے ساتھ موجود تھے اور وہ خود ہی پریس کلب کے باہر ٹریفک کلیئر کروانے میں مصروف رہے ،انہوں نے مظاہرین سے مذاکرات بھی کیے ،مظاہرین راستہ کھولنے کیلئے آمدہ کر لیا تاہم مظاہرین احتجاج فٹ پاتھ پر شفٹ ہو رہے تھے کہ دھماکہ ہوگیا جس میں ڈی آئی جی احمد مبین اور ایس ایس پی آپریشنز زاہد گوندل سمیت 13افراد شہید ہو گئے۔دھماکے سے قبل احمد مبین نے نجی ٹی وی سے گفتگو میں کہا کہ ”میں چاہتاہوں کہ شہریوں کو تکلیف نہ پہنچے اور اسی لیے مظاہرین کے ساتھ مذاکرات کیلئے آیا ہوں “۔