موزمبیق میں آئل ٹینکر سے تیل نکالنے والوں پر قیامت ٹوٹ پڑی، دھماکے سے43افراد ہلاک، 110زخمی

ماپوتو(مانیٹرنگ ڈیسک)افریقی ملک موزمبیق میں آئل ٹینکر سے تیل نکالنے والوں پر قیامت ٹوٹ پڑی،ٹینکر میں دھماکے سے43افراد ہلاک جبکہ 110زخمی ہوگئے ہیں۔
برطانوی خبر رساں ادارے کے مطابق افریقی ملک موزمبیق میں آئل ٹینکر دھماکے میں43افراد ہلاک جبکہ 110زخمی ہوگئے ہیں،موزمبیق حکام کا کہنا ہے کہ یہ واقعہ سرحدی علاقے ملاوی کے قریب اس وقت پیش آیا جب پٹرول سے بھرے ٹینکر میں آگ لگ گئی،یہ ٹینکر بیرا سٹی کی جانب جارہا تھا۔
دھماکہ اس وقت ہوا جب ارد گرد لوگ جمع ہوکر پٹرول نکال رہے تھے،دھماکہ ہوتے آگ نے پورے علاقے اپنی لپیٹ میں لے لیا،ارد گرد موجود لوگ جل کر کوئلہ ہوگئے ہیں۔