لاہور(مانیٹرنگ دیسک) ملت پارک میں پانچ افراد کے قاتل 3ملزمان گرفتار کر لئے گئے ہیں،ملزمان کا تعلق کوٹ عبدالمالک اور حافظ آباد سے ہے۔
تفصیلات کے مطابق پولیس کا کہنا ہے کہ قتل کرنے والے تینوں ملزم گزشتہ روز سی آئی اے کی جانب سے گرفتار کئے گئے ہیں،2 ملزمان کا تعلق حافظ آباد سے اور ایک ملزم کوٹ عبدالمالک کا ہے۔ملزمان کی شناخت باسط ،جہانگیر اور زاہد کے نام سے ہوئی ہے۔پولیس زرائع کا کہنا ہے کہ ملزم باسط کو علم تھا کہ منی چینجر کے پاس بہت سارے پیسے ہوتے ہیں،ملزم نے پہلے اس کا پیچھا کیا پھراس سے پیسوں کا بیگ کھینچا جبکہ اس کے دو ساتھی جہانگیر اور زاہد نے وہاں موجود لوگوں پر اندھا دھن گولیاں چلائیں۔فائرنگ کے نتیجے میں4لوگ موقع پر ہی جاں بحق ہو گئے تھے جبکہ ایک ہسپتال میں دم توڑ گیا۔
واضح رہے کہ کچھ روز پہلے لاہور کے علاقے ملت پارک میں3ملزمان نے ڈکیتی کی واردات کے دوران باپ بیٹے سمیت پانچ معصوم لوگوں کو جاں بحق کردیا تھا۔