ملتان ایئرپورٹ پر خاتون مسافر سے 85 تولے سونا، 20 ہزار ڈالرز اور 41 ہزار روپے برآمد
Feb 9, 2017BLI Newsتازہ ترینComments Off on ملتان ایئرپورٹ پر خاتون مسافر سے 85 تولے سونا، 20 ہزار ڈالرز اور 41 ہزار روپے برآمد
ملتان (بی ایل آ ئی)ملتان انٹرنیشنل ایئرپورٹ پر کسٹم حکام نے کارروائی کر کے خاتون مسافر سے 85 تولے سونا، 20 ہزار امریکی ڈالرز اور 41 ہزار پاکستانی روپے برآمد کر لئے۔ نیو ملتان کی رہائشی ساجدہ بی بی نجی ایئرلائن کی پرواز پی کے 631 کے ذریعے براستہ دبئی امریکہ جا رہی تھی۔
کسٹم حکام نے دوران تلاشی خاتون کے بیگ کے خفیہ خانوں سے سونے کے بسکٹ، طلائی زیورات اور کرنسی برآمد کر لی۔ ایئرپورٹ ذرائع کے مطابق خاتون سے 85 تولے سونا، 20 ہزار سے زائد امریکی ڈالرز اور 41 ہزار پاکستانی روپے برآمد کر لئے گئے۔ کسٹم حکام نے خاتون کو حراست میں لے کر تفتیش شروع کر دی ہے۔
