کراچی (اسپورٹس رپورٹر) سیکریٹری اسپورٹس سندھ سلیم رضا کی ہدایت پر محکمہ اسپورٹس اور یوتھ افیئرزکے زیر اہتمام قائد اعظم ڈے اسپورٹس فیسٹول ٹی ٹوئنٹی میچ میں علامہ اقبال الیون نے قائد اعظم الیون کو 7وکٹوں سے شکست دے کر فاتح ٹرافی اپنے نام کرلی۔ صادق اسپورٹس جیم خانہ گراؤنڈ پر کھیلے گئے میچ میں قائداعظم الیون نے مقررہ 20اوورز میں 125رنز 8وکٹوں پر اسکور کئے۔ کامران یعقوب 55رنز 6چوکوں کی مدد سے بنائے۔محمد رجب رئیس اور ذیشان نے 2,2وکٹ اپنے نام کیں۔علامہ اقبال نے مطلوبہ ہدف 3وکٹوں پر حاصل کرلیا۔ جب 126رنز حاصل کرلئے گئے۔ عمران شاہ نے 69رنز کی فتح گر اننگز کھیلی جس میں 3چوکے اور2چھکے شامل تھے۔ محمد ثاقب نے ناقابل شکست 35رنز بنائے۔ محمد حمزہ اور اسرار اعوان نے ایک ایک وکٹ حاصل کی۔ایمپائرز محمد واسع اور محمد حسن جبکہ اسکورر شاہد تھے۔ میچ کے اختتام پر مہمان خصوصی محمد رئیس، سیکریٹری زون3نے دونوں ٹیموں کے کپتانوں میں ونر اور رنر ٹرافی کے علاوہ مین آف دی میچ عمران شاہ اور بہترین بلے باز محمدیعقوب اور بہترین بولر محمد رجب رسول کوبھی ایوارڈ دئے۔