فیصل آبا د(مانیٹرنگ ڈیسک) فیصل آباد کے علاقے ملت روڈ پر نامعلوم ملزمان کی فائرنگ سے 2افراد جاں بحق ہو گئے۔
ایکسپریس نیوز کے مطابق موٹر سائیکل سوار ملزمان نے چک 125کے رہائشی نواز اور لیاقت کو پیشی پر عدالت جاتے وقت ملت روڈ پر نشانہ بنایا اور فرار ہو گئے ۔ فائرنگ کے نتیجے میں دونوں افراد موقع پر ہی جاں بحق ہو گئے جن کی لاشیں قبضے میں لیکر پوسٹ مارٹم کیلئے روانہ کر دی گئی ہیں ۔
پولیس حکام کا کہنا ہے کہ مقتولین مقدمے میں پیشی کیلئے عدالت جا رہے تھے تاہم ابھی تک ملزمان کا پتہ نہیں چل سکا لیکن مقدمے کے دوسرے فریق سے تفتیش کی جائے گی ۔
