تفصیلات کے مطابق پنجاب فوڈ اتھارٹی نے گورمے پروڈکشن ڈسکہ یونٹ انڈسٹریل سٹیٹ پر چھاپہ مارا اور انتظامات کا جائزہ لینے کے علاوہ دودھ کے معیار کا موازنہ کیا۔ ذرائع کے مطابق گورمے دودھ کی کوالٹی اپنی ہی لیبارٹری کے معیار پر پورا نہ اتر سکی جس پر پنجاب فوڈ اتھارٹی کی ٹیم نے پروڈکشن یونٹ سیل کر دیا ہے۔ذرائع کے مطابق محکمہ پنجاب فوڈ اتھارٹی گورمے کے پروڈکشن یونٹ کو ایک سے دو ہفتے تک سیل رکھے گی جس دوران اس کے دودھ اکٹھا کرنے سے لے کر دیگر فروخت کیلئے سٹورز تک بھیجنے کے معاملات کا جائزہ لیا جائے گا۔