لاہور کے علاقے سگیاں پل کے قریب مبینہ پولیس مقابلہ ہوا جس میں 4ڈاکووں کو ہلاک کردیا گیاہے۔
تفصیلات کے مطابق گرفتار ڈاکو وں کو ساتھیوں کی نشاندہی کے لئے لے جایا جا رہا تھا کہ ایک ساتھی انہیں چھڑوانے کے لئے آیا اور پولیس پر فائرنگ شروع کردی۔پولیس کی جوابی فائرنگ سے چاروں ڈاکو ہلاک کر دیے گئے جبکہ ان کا ساتھی فرار ہو گیا ہے۔پولیس نے علاقے کو گھیرے میں لے کرساتھی ملزم کی گرفتاری کے لئے سرچ آپریشن شروع کردیا ہے۔واضح رہے کہ ہلاک ڈاکو ملت پارک ڈکیتی میں ملوث تھے جہاں انہوں نے مذمت پر باپ بیٹے سمیت 3شہریوں کو فائرنگ کرکے قتل کردیا تھا۔
