کراچی (اسپورٹس رپورٹر) پاکستان ہاکی فیڈریشن کے صدر بریگیڈیئر ریٹائرڈ خالد سجاد کھوکھر نے کہا ہے کہ کراچی ہاکی ایسوسی ایشن گراس روٹ لیول پر ہمارے وژن کے عین مطابق پاکستان ہاکی کے فروغ کے لئے نہایت عمدگی سے عمل پیرا ہے ۔کراچی ہاکی ایسوسی ایشن نے جو کام کئے ہیں اس کو دیکھ لگتا ہے منتخب قیادت پی ایچ ایف کے وژن کو آگے بڑھارہی ہے، غیر ملکی کوچ کے نام بھی فائنل نہیں کئے گئے ہیں، ہاکی لیگ کی حتمی تاریخ ابھی فائنل نہیں کی ہے،سابق اولمپئین تنقید ضرور کریں اس ہمیں اپنی خامیوں کو دور کرنے میں مدد ملتی ہے لیکن منفی تنقید سے ہمارے وژن اور کام کو نظر انداز کرنا زیادتی ہے۔ان خیالات کا اظہار کراچی ہاکی ایسوسی ایشن کے نئے سیکریٹریٹ کی افتتاحی تقریب کے بعد میڈیا بریفنگ سے خطاب کرتے ہوئے کیا۔ اس موقع پر پاکستان ہاکی فیڈریشن کے سیکریٹری اولمپئن شہباز سینئر بھی موجود تھے۔ انہوں نے کہا کہ ہم پاکستان ہاکی کے کھوئے ہوئے وقار کے احیاءاور فروغ کے لئے باقاعدہ منصوبہ بندی سے بتدریج کام کر رہے ہیں اور اس عمل میں ایسوسی ایشن کی سطح پر پاکستان بھر کے یونٹ ہمارے شانہ بشانہ ہیں لیکن کراچی ہاکی ایسوسی ایشن جس تخلیقی ذہن کے ساتھ ہمارے وژن کے مطابق نچلی سطح پر ہاکی کے فروغ کے لئے کوشاں ہے وہ نہ صرف قابل تحسین ہے بلکہ قابل تقلید بھی ہے اس سلسلے میں کے ایچ اے نے مثالی کردار کا مظاہرہ کیا ہے۔ پاکستان ہاکی فیڈریشن اور کراچی ہاکی ایسوسی ایشن کی ہم آہنگی ہاکی کے فروغ میں سنگ میل ثابت ہوگی۔ صدر پی ایچ ایف نے کہا کہ غیر ملکی کوچ کے نام بھی فائنل نہیں کئے گئے ہیں،جب فائنل ہونگے تو میڈیا کو بتایا دیا جائے گا،ہاکی لیگ پر کام جاری ہے حتمی تاریخ طے کرنی ہے۔ کراچی ہاکی ایسوسی ایشن کے صدر ڈاکٹر جنید علی شاہ نے کہا کہ ہم پاکستان ہاکی فیڈریشن کا حصہ ہیں اور رہیں گے ہم نے پی ایچ ایف کے وژن کے مطابق سیکریٹری اولمپئن شہباز احمد سینئر کی ہدایت پر کلب رجسٹریشن کے حوالے سے ایک سافٹ ویئر بھی ڈیزائن کیا ہے جو مرکزی سطح پر فیڈریشن کے نظام سے منسلک ہوگا۔ انہوں نے کہا کہ ہم نے سب سے پہلے کلب رجسٹریشن کے عمل سے اس سافٹ ویئر کا عملی مظاہرہ کیا ہے جو پورے پاکستان کی ایسوسی ایشن کے لئے قابل تقلید نمونہ ہے ہم ہر سطح پر فیڈریشن کے وژن کو آگے بڑھانے میں عمل کردار ادا کرتے رہیں گے۔ کراچی ہاکی ایسوسی ایشن کے چیئرمین گلفراز احمد خان نے اس موقع پر پاکستان ہاکی فیڈریشن کے صدر بریگیڈیئر ریٹائرڈ خالد سجاد کھوکھر ، سیکریٹری اولمپئن شہباز احمد سینئر کا شکریہ ادا کرتے ہوئے کہا کہ مفادات سے بالاتر ہو کر ہماری یکجہتی ہی پاکستان میں ہاکی کے فروغ کی نئی صبح طلوع کرے گی۔ انہوں نے مزید کہا کہ ہم فیڈریشن کو قومی ٹیم کے لئے نوجوان پرعزم کھلاڑیوں کی تازہ دم کھیپ مہیا کریں گے جو قومی ٹیم میں منتخب ہو کر ماضی کے سنہری دور کو واپس لانے میں اپنا کردار ادا کریں گے۔ کراچی ہاکی ایسوسی ایشن کے سیکریٹری سید حیدر حسین نے کہا کہ ہمیں عملی کام کے ذریعے مثبت پیغام دینا چاہتے ہیں تاکہ محض زبانی دعوﺅں کی بجائے فیڈریشن کے ہاتھ مضبوط کرنے کے لئے نچلی سطح پر کھلاڑیوں کے پول میں اضافہ کر کے ہاکی کو فروغ دیں ہماری مسلسل جدوجہد نے کراچی میں کئی ڈپارٹمنٹ میں کھلاڑیوں پر ملازمتوں کے دروازے کھول دئے جس سے نوجوانوں میں ہاکی سے دلچسپی اور رغبت بڑھی ہے۔ تقریب میں کراچی ہاکی ایسوسی ایشن کے عہدیداران نے پاکستان ہاکی فیڈریشن کے صدر بریگیڈیئر ریٹائرڈ خالد سجاد کھوکھر ، سیکریٹری اولمپئن شہباز سینئر کو سووینئر پیش کئے۔سندھ ثقافت کا تحفہ اجرک اور ہاکی اسٹک بھی مہمانوں کو دی گئیں۔ اس موقع پر اولمپئن حنیف خان، اولمپئن افتخار سید، عرفان سینئر ، نعیم احمد، ڈائریکٹر اسپورٹس کے ڈی اے خرم عارف، ڈائریکٹر اسپورٹس کراچی واٹر اینڈ سیوریج بورڈ اعظم خان، سینئر نائب صدر اعجازالدین، مسز اسماءعلی شاہ، محسن علی خان، رحمان خان، ڈاکٹر ایس اے ماجد، جاوید اقبال، راﺅ جاوید ، عبدالعظیم خان، صغیر خان، اراکین مجلس عاملہ ریاض الدین ،انیس کیانی، انور فاروقی، راجہ انور کمال، زاہد محمود، ندیم احمد، عبدالمعید خان، سید امتیاز الحسن، ماجد رفیق،رحمان خان، شاہد نذیر اور دیگر بھی موجود تھے۔