کارڈف: یوئیفا چیمپئنز لیگ کے فائنل میں ریال میڈرڈ نے یوینٹس کو شکست دے کر بارہویں بار ٹورنامنٹ اپنے نام کیا۔
کارڈف میں فیورٹ ریال میڈرڈ اور یووینٹس کی ٹیمیں آمنے سامنے آئیں ۔ میچ کے آغاز میں کرسٹیانو رونالڈ نے اپنی کلاس دکھائی ۔ چیمپئنز لیگ میں کیرئیر کا 104واں گول کرکے ریال میڈرڈ کو ایک صفر کی برتری دلادی ۔ کچھ ہی دیربعد یووینٹس کے ماریو مینجوکک نے جوابی وار کرکے حساب برابر کیا۔
دوسرے ہاف میں کیس میرو کی کوشش رنگ لائی اور ریال کی برتری دوصفر ہوگئی ۔ اس پہلے کہ یوونٹس سنبھلتی کرسٹیانو رونالڈو نے پھر گیند کوگول کے پار کیا ۔ تین ایک کے خسارے میں جانے کے بعد یووینٹس کے کھلاڑی دباؤ میں آگئے ۔
مارکوسینسیو نے موقع سے فائدہ اُٹھا کرریال کیلئے چوتھا گول داغ کر حریف ٹیم کو ناک آؤٹ کرڈالا ۔ فائنل وسل پر ریال میڈرڈ ٹائٹل کا دفاع کرنے میں کامیاب رہی اور بارہویں بار چیمپئنزلیگ کی فاتح بنی۔