کراچی( بی ایل آٸی)بنگلادیش نے پاکستان کے خلاف ٹی 20 سیریز کیلیے اپنے 15 رکنی اسکواڈکا اعلان کردیا۔تفصیلات کے مطابق پاکستان کے خلاف ٹی20 سیریز کیلئے بنگلادیشی ٹیم 23جنوری کولاہورپہنچے گی جبکہ ٹیم کی قیادت محمود اللہ کریں گے دیگر کھلاڑیوں میں تمیم اقبال ، سومیا سرکار، نعیم شیخ ، نظم الحسن شنٹو ، لٹن داس ، محمد میتھون ، آفیف حسین، مہدی حسن ، انعام السلام ، متفیض الرحمان، شفی السلام ، الامین حسین ، روبیل حسین اور حسن محمود اسکواڈکا حصہ ہونگے۔سابق آل شکیب الحسن معطلی کے باعث پہلے ہی ٹیم سے باہر ہیں جبکہ تجربہ کار وکٹ کیپربیٹسمین مشفق الرحیم نے دورہ پاکستان سے انکار کیا ہے۔واضح رہے کہ بنگلادیشی ٹیم کے اسٹار بلے باز مشفق الرحیم پہلے ہی پاکستان آنے سے انکار کرچکے ہیں جبکہ کوچنگ اسٹاف میں نیل مکینزی اورفیلڈنگ کوچ سمیت5ارکان نے دورہ پاکستان سے انکارکردیاہے۔