’اس نیوکلیئر حادثے کی وجہ سے دنیا تباہی کی طرف جارہی ہے‘ سائنسدانوں کا ایسا انکشاف کہ آپ کے پیروں تلے زمین نکل جائے گی
Mar 4, 2017BLI Newsتازہ ترینComments Off on ’اس نیوکلیئر حادثے کی وجہ سے دنیا تباہی کی طرف جارہی ہے‘ سائنسدانوں کا ایسا انکشاف کہ آپ کے پیروں تلے زمین نکل جائے گی
ٹوکیو(مانیٹرنگ ڈیسک) جاپان میں زلزلے اورسونامی کے باعث فوکوشیما نامی ایٹمی پلانٹ سے مہلک تابکاری کا اخراج شروع ہو گیا تھا جس پر تاحال قابو نہیں پایا جا سکا، اور اب یہ دنیا کے لیے بہت بڑا خطرہ بن گیا ہے۔ نیوز ویب سائٹ news.opera-api.comکی رپورٹ کے مطابق فوکوشیما سے خارج ہونے والی تابکاری نے 5سال میں دنیا کے سب سے بڑے سمندر بحرالکاہل کو پوری طرح اپنی لپیٹ میں لے لیا ہے اور سمندر کے اس حصے میں تابکار آیو ڈین کی سطح میں خطرناک حد تک اضافہ ہوگیا ہے۔ جاپان نیوکلیئر سیفٹی ایجنسی کے مطابق فوکوشیما کے ساحلی علاقوں کے سمندری پانی میں تابکار آیو ڈین کی سطح قانونی حد سے چار ہزار تین سو پچاسی گنا بڑھ گئی ہے۔
ایجنسی نے اپنی رپورٹ میں سنگین خطرے کے پیش نظر حکومت کو مشورہ دیا ہے کہ تابکاری کی بڑھتی ہوئی شرح کے پیش نظر حکومت کو مزید علاقے خالی کرالینے چاہئیں۔ دوسری طرف امریکہ نے فوکوشیما پلانٹ کی مرمت کے لیے رضاکارانہ طور پر چار روبوٹ جاپان بھیج دیئے ہیں۔ امریکی دفاعی ایجنسی کے تیارکردہ یہ خودکار روبوٹ پلانٹ میں کسی بھی جگہ پر پہنچنے اور تابکاری کے اخراج کا سراغ لگانے کی صلاحیت رکھتے ہیں۔ امریکہ اپنے 450 نیوکلیئر ماہرین پر مشتمل گروپ بھی جاپان بھیجنے کی تیاری کررہا ہے جبکہ تابکاری سے بچاو¿ کے 10 ہزار سوٹ اور تابکاری کے اثرات کو زائل کرنے والے کیمیکلز سمیت امدادی سامان کی کھیپ پہلے ہی ٹوکیو پہنچائی جاچکی ہیں۔رپورٹ کے مطابق تاحال فوکوشیما سے 300ٹن تابکار فضلہ روزانہ خارج ہو رہا ہے جس سے صورتحال انتہائی خطرناک ہونے کا اندیشہ ہے۔
