جئے جام کمال لسبیلہ اور فردوس کلب نواب شاھ نے کامیابی حاصل کرلی
کراچی( اسپورٹس رپورٹر ) بلو موومنٹ فٹبال کلب کے زیر اہتمام آٹھواں آل پاکستان عبدالرشید قریشی یادگاری فٹبال ٹورنامنٹ میں دو میچز کا فیصلہ ہوا پہلے میچ میں فردوس کلب نواب شاھ نے افضل اکیڈمی کو 3-0سے جئے جام کمال لسبیلہ نے ڈی ایف اے بدین کو 1-0سے زیر کیا ،ٹورنامنٹ کی فیوریٹ اور مضبوط ٹیم افضل اکیڈمی ٹورنامنٹ میں تین میچز میں کامیابی کے بعد چوتھے میچ میں فردوس کلب نواب شاھ کے ہاتھوں 3-0سے ٹورنامنٹ سے باہر ہوگئی افضل اکیڈمی نے ٹورنامنٹ میں میں شاندار کھیل پیش کرتے ہوئے شائقیں فٹبال کی فیوریٹ ٹیم بن گئی لیکن فردوس کلب کے سامنے بے بس نظر آئی ،فاتح ٹیم نے پہلے ہاف ہی میں دو گول داغے، جمالی نے 12ویں اور اشرف نے 28ویں منٹ میں ایک ایک گول اسکور کیا دوسرے ہاف میں بھی فاتح ٹیم کا پھلہ بھاری رہا ،اشرف نے دوسرا گول 62ویں منٹ میں اسکور کرکے 3-0سے کامیابی حاصل کرلی ۔جئے جام کمال لسبیلہ اورڈی ایف اے بدین کے درمیاں مقابلہ سخت اور دلچسپ رہا دونوں ٹیموں کے کھلاڑیوں نے شاندار کھیل پیش کیا وقفے تک مقابلہ بغیر گول کے برابر رہا،جئے جام کمال لسبیلہ کے عبدالغفور نے دوسرے ہاف کے شروع ہوتے ہی 25گز کے فاصلے سے فری کک کے ذریعے خوبصورت گول کرکے 1-0سے کامیابی سمیٹ لی ۔ریفریز جہانگیر خان ۔جاوید بنگش ۔اکبردوست ۔ افتخار ۔میچ کمشنر زین العابدین تھے